


武漢肺炎今個周末又多 1 宗死亡個案,流感高峰期大家切勿鬆懈!
口罩日日要戴,但並非人人啱戴,以下人士的戴口罩之苦,你有冇共鳴呢?
- 戴眼鏡人士每次戴口罩,一呼氣就會令眼鏡起白霧,究竟應該除眼鏡,定除口罩?各位受影響人士會如何自處呢?
- 據稱耳仔與下巴的垂直距離超過 5.7cm 就屬長面型,而口罩高度有 9.5cm,一般情況下都應付到,但面太長就唯有不斷拉上補下/拉下補上。
- 人會起螯(槓),面都會起螯。國字面型朋友,戴口罩反而令下巴兩旁角位更凸出,女士還可以用頭髮遮遮掩掩,男士就無計。
- 包包面的朋友戴口罩,往好一方面想,總算有遮面效果。但面太大,常被問妳是否買錯小童口罩,就非常尷尬。
- 女生最愛的小臉,但戴口罩時,面太小反而會遮住雙眼,拮住拮住唔舒服。
- 耳仔高戴口罩扯住扯住,耳仔低戴口罩又易鬆脫。
- 鼻太高的朋友,深受離罩漏風之苦。反之,鼻太扁則無鏠貼面,與口罩同體。
- 男兒口大食四方,戴罩露嘴太驚慌。